• Сб. Сен 18th, 2021

Маркази кумаки аввалияи тандурустию санитарии ноҳияи Айнӣ бо автомашинаи ёрии таъҷилии нав таъмин гардид

Маркази кумаки аввалияи тандурустию санитарии ноҳияи Айнӣ бо автомашинаи ёрии таъҷилии нав таъмин гардид

Бо ташаббуси роҳбарияти мақомоти иҷроияи ҳокимияти давлатии ноҳияи Айнӣ дар ҳамкории наздик бо Вазорати тандурустӣ ва ҳифзи иҷтимоии аҳолии Тоҷикистон ба Маркази кумаки аввалияи тандурустию санитарии ноҳия як адад нақлиёти санитарӣ дар заминаи автомашинаи навъи УАЗ 396295, соли бароришаш 2021 ҳадя карда шуд.

Раиси ноҳия Муқим Муродзода автомашинаи ёрии таъҷилиро ба роҳбарияти КАТС-и ноҳия супорида, гуфт, ки: -Ин ҳама аз шарофати Истиқлолият ва гулгулшукуфоии Тоҷикистони азиз мебошад. Чуноне ки маълум аст, солҳои охир бо дастгирии бевоситаи Асосгузори сулҳу ваҳдати миллӣ, -Пешвои миллат, Президенти Ҷумҳурии Тоҷикистон соҳаи тандурустӣ дар ҳудуди кишварамон, аз он ҷумла дар ноҳияи мо рӯ ба беҳбудӣ ниҳода истодааст. Мо бо шукргузори аз ин ҳама дастгириҳо бояд самти соҳаи тандурустӣ ва дигар самтҳои мухталифро рӯ ба рушду инкишоф оварда, дар ободонии Ватан бояд саҳми сазовор гузорем. Имрӯзҳо, ки кормандони КАТС-и ноҳия дар гузаронидани иммунизатсия ба деҳоти ноҳия сафарбар шуда истодаанд, тӯҳфа саривақтӣ буда, дар оянда низ барои шароити мусоид фароҳам овардан ба беморон мусоидат хоҳад кард.

Ҳамчунин Раиси ноҳия ба роҳбарияти Вазорати тандурустӣ ва ҳифзи иҷтимоии Тоҷикистон миннатдории тамоми сокинони ноҳияи Айнро расонид.