ВОХӮРИИ НОМЗАД БО ИНТИХОБКУНАНДАГОН

Санаи 11-уми феврали соли 2020 дар деҳаи Обурдани ҷамоати деҳоти Иван-тоҷики ноҳияи Кӯҳистони Мастчоҳ дар толори маҷлисгоҳи МТМУ №1 вохӯрии номзад ба вакилии Маҷлиси намояндагони Маҷлиси Олии Ҷумҳурии Тоҷикистон бо интихобкунандагон баргузор гардид.

Маҷлисро раиси КИ ҲХДТ дар ноҳияи Айнӣ А.Қобилзода ифтитоҳ намуд. Мудири шӯъбаи маорифи ноҳияи Кӯҳистони Мастчоҳ номзад -Шарифзода Ғиёсиддин Абдуваҳҳобро муаррифӣ намуд. Шарифзода Ғиёсиддин аз рӯи Барномаи пешазинтихоботии худ  баромад намуд. Қайд карда шуд, ки  "Ҳар кадоми мо медонем, ки интихобот дар ҳар кишвар, аз ҷумла Тоҷикистон маъракаи муҳими сиёсӣ буда, дар рушду ободии фардои мамлакат нақши бағоят калон дорад. Аз ин рӯ, аз мо интихобкунандагон тақозо мегардад, ки барои ояндаи неку дурахшони Ватани маҳбубамон – Тоҷикистон, пеш аз ҳама дар ин маъракаи мулим фаъолона ширкат намуда, роҳи минбаъдаи худро дар панҷ соли оянда муайян созем".
Дар интиҳои вохӯрӣ, сокини ҷамоат Сангинов Маҳмадшафӣ пешниҳод намуд, ки муассисаи таҳсилоти ибтидоии деҳаи Қартуда ба муассисаи таҳсилоти асосии умумии нӯҳ сола табдил дода шавад.
Инчунин Нуриддинов Нуриддин даъват ба амал овард, ки боғчаи бачагонаи ноҳия таъмирталаб буда, баҳри таъмири он чораҳои судманд андешида шавад.
Сокинони ҷамоати деҳоти Иван-тоҷик дар вохӯрӣ рӯҳияи баланду табъи болида доштанд.