Иҷроиши буҷет

ИҶРОИ  БУҶЕТ

Иҷрои нақшаи ҷамъоварии андозҳо ва пуррагардонии буҷет ҳамеша зери диққати Мақомоти иҷроияи ҳокимияти давлатии ноҳия қарор дошта, ҷиҳати пурра ба кор андохтани механизм ва манбаъҳои иловагии ҷамъоварии андозҳо тадбирҳои судманд андешида мешавад.

Дар  се моҳи аввали соли 2024 иҷрои нақшаи воридоти андозҳо ва пардохтҳо (бо назардошти андози иҷтимоии ғайрибуҷетӣ) 100,1 фоиз таъмин гардида, ба ҷойи 116 миллиону 981,0 ҳазор сомонии пешбинишуда 117 миллиону 172,3 ҳазор сомонӣ маблағ ворид шуд, ки нисбат ба нақша 191 ҳазору 322 сомонӣ  зиёд мебошад.

Нақшаи қисми даромади буҷети маҳаллӣ дар давраи ҳисоботӣ бошад, аз 26 миллиону 264,0 ҳазор сомонӣ пешбинӣ шуда, иҷрои он ба маблағи 31 миллиону 558,8 ҳазор сомонӣ таъмин гардид, ки 120,2 фоизи нақшаро дар бар мегирад.

Мутаассифона,  дар давраи ҳисоботӣ 2 намуди андоз: андоз аз арзиши иловашуда бо иҷроиши 59,5 фоиз ва андоз аз даромад, ки иҷроиши он 76,23 фоизро дар бар мегирад, таъмин карда нашуд, ки аз ин ҳисоб 22 миллиону 758,1 ҳазор сомонӣ ба буҷет маблағ ворид нагардид.

Дар ин давра пардохти музди маоши кормандони ташкилотҳои буҷетӣ пурра пардохт гардида, қарздорӣ аз музди меҳнат вуҷуд надорад.