Қарорҳои Раис

Ҷ У М Ҳ У Р И И Т О Ҷ И К И С Т О Н

В И Л О Я Т И С У Ғ Д

Р А И С И Ш А Ҳ Р И Х У Ҷ А Н Д

Қ А Р О Р

ш. Хуҷанд

Дар бораи ташкил ва баргузор кардани Озмуни шаҳрии «Кадбонуи беҳтарин»

Мутобиқи моддаҳои 19 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», ҷиҳати таъмини иҷрои Амри Президенти Ҷумҳурии Тоҷикистон аз 3 январи соли 2023, №АП-318, дастуру супоришҳои Роҳбари Дастгоҳи иҷроияи Президенти Ҷумҳурии Тоҷикистон аз 4 январи соли 2023, №24/10-8 ва қарори Раиси вилояти Суғд аз 24 феврали соли 2023, № 58 «Дар бораи ташкил ва баргузор кардани Озмуни вилоятии «Кадбонуи беҳтарин», бо мақсади тарғиб, эҳё ва ҳифзу нигоҳдошти беҳтарин суннатҳои миллии ниёгон дар самти омода намудани таомҳои миллӣ, хуришҳои болаззат, баланд бардоштани завқи кадбонугӣ ва ҳунари дастархонороӣ, омода намудани духтарон ба ҳаёти мустақилона, Қ А Р О Р М Е К У Н А М:

1. Даҳаи аввали моҳи марти соли 2023 Озмуни шаҳрии «Кадбонуи беҳтарин» гузаронида шавад.

2. Ҳайати кумитаи тадорукот, низомнома ва ҳайати комиссияи баргузории чорабинӣ тасдиқ карда шаванд (замимаҳои 1, 2 ва 3).

3. Ҳамоҳангсози қарори мазкур шуъбаи кор бо занон ва оилаи мақомоти иҷроияи ҳокимияти давлатии шаҳр муқаррар карда шавад.

4. Қарори мазкур барои тасдиқ ба иҷлосияи навбатии Маҷлиси вакилони халқи шаҳр пешниҳод карда шавад.

5. Шуъбаҳои рушди иҷтимоӣ ва робита бо ҷомеа, кор бо занон ва оила, маориф, бахшҳои фарҳанг, кор бо ҷавонон ва варзиш, маркази таъминоти бехатарии озуқаворӣ, котиби матбуоти Раиси шаҳр ҷиҳати дар сатҳи баланд гузаронидани Озмуни шаҳрии «Кадбонуи беҳтарин» тадбирҳои мушаххас андешанд.

6. Назорати иҷрои қарори мазкур ба зиммаи муовини Раиси шаҳр Фирӯза Нуруллозода вогузор карда шавад.

Раиси шаҳр Шарифзода Фирдавс

Ҷ У М Ҳ У Р И И Т О Ҷ И К И С Т О Н

В И Л О Я Т И С У Ғ Д

Р А И С И Ш А Ҳ Р И Х У Ҷ А Н Д

Қ А Р О Р

ш. Хуҷанд

Дар бораи ташкил ва гузаронидани озмуни шаҳрии “Сайри гули лола” дар соли 2023

Мутобиқи моддаҳои 19 ва 20 Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатӣ”, бо мақсади иҷрои Амри Президенти Ҷумҳурии Тоҷикистон аз 3 январи соли 2023, № АП-318, дар асоси қарори Раиси вилояти Суғд аз 28 феврали соли 2023, №60 “Дар бораи ташкил ва гузаронидани озмуни вилоятии “Сайри гули лола” дар соли 2023” ҷиҳати густариши корҳои ободонию кабудизоркунӣ дар маҳал, ташвиқу тарғиби фарҳанги зебоипарастӣ, вусъати корҳои ободонию созандагӣ, Қ А Р О Р М Е К У Н А М:

1. Моҳи апрели соли 2023 озмуни шаҳрии “Сайри гули лола” гузаронида шавад.

2. Ҳайати кумитаи тадорукот, низомнома, нақшаи чорабиниҳои озмуни шаҳрии “Сайри гули лола” барои соли 2023 тасдиқ карда шаванд (замимаҳои 1, 2, 3, 4).

3. Кумитаи тадорукот вазифадор карда шавад, ки тибқи талаботи низомномаи озмуни “Сайри гули лола” барои ҳавасмандкунии иштирокчиёни чорабинӣ ҳамасола харҷнома таҳия ва дар мувофиқа бо бахши фарҳанги шаҳр барои ҷудо кардани маблағ ба раиси шаҳр пешниҳод манзур намояд.

4. Шуъбаҳои рушди иҷтимоӣ ва робита бо ҷомеа, меъморӣ ва шаҳрсозӣ, иқтисод ва савдо, кор бо занон ва оила, маориф, ҳифзи муҳити зист, бахшҳои фарҳанг, кор бо ҷавонон ва варзиш, нақлиёт ва алоқаи мақомоти иҷроияи ҳокимияти давлатии шаҳр, сармутахассис-ҳуқуқшиноси дастгоҳи раиси шаҳр, котиби матбуоти раиси шаҳр ва корхонаи воҳиди давлатии коммуналии “Сарраёсати ободонӣ ва хоҷагии манзилию коммуналӣ”-и шаҳр ҷиҳати дар сатҳи баланд ташкил ва гузаронидани озмуни шаҳрии “Сайри гули лола” дар соли 2023 тадбирҳои зарурӣ андешанд.

5. Ба бахши фарҳанги шаҳр супорида шавад, ки маблағгузории хароҷоти вобаста ба гузаронидани озмуни шаҳрии “Сайри гули лола” ва мукофотонидани ғолибони онро тибқи харҷнома аз ҳисоби маблағҳои барои бахши фарҳанги шаҳр дар соли 2023 пешбинишуда таъмин намояд.

6. Котиби матбуоти раиси шаҳр, рӯзномаи шаҳрии “Тирози ҷаҳон”, телевизион ва радиоҳои маҳаллӣ вазифадор карда шаванд, ки инъикоси ҳамаҷонибаи чорабиниро амалӣ намоянд.

7. Бахши нақлиёт ва алоқаи шаҳр, корхонаи воҳиди давлатии коммуналии “Сарраёсати ободонӣ ва хоҷагии манзилию коммуналӣ”-и шаҳр вазифадор карда шаванд, ки натиҷаи баргузории чорабинии мазкурро ҷамъбаст ва ба унвони раиси шаҳр маълумоти муфассал пешниҳод намоянд.

8.Назорати иҷрои қарори мазкур ба зиммаи муовини якуми раиси шаҳр Хайрулло Ғайбуллозода ва муовини раиси шаҳр Фирӯза Нуруллозода гузошта шавад.

Раиси шаҳр Шарифзода Фирдавс

Ҷ У М Ҳ У Р И И Т О Ҷ И К И С Т О Н

В И Л О Я Т И С У Ғ Д

Р А И С И Ш А Ҳ Р И Х У Ҷ А Н Д

Қ А Р О Р

ш. Хуҷанд

Дар бораи ташкил ва баргузории Фестивали шаҳрии «Сад ранги чакан»

Мутобиқи моддаҳои 19 ва 20 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», ҷиҳати таъмини иҷрои Амри Президенти Ҷумҳурии Тоҷикистон аз 03 январи соли 2023, №АП-318, дастуру супориши Роҳбари Дастгоҳи иҷроияи Президенти Ҷумҳурии Тоҷикистон аз 04 январи соли 2023, №24/10-8, Қарори Раиси вилояти Суғд аз 30 марти соли 2023, №105 «Дар бораи ташкил ва баргузории Фестивали вилоятии «Сад ранги чакан», бо мақсади муаррифии санъату ҳунари волои халқи тоҷик, либоси миллӣ, тарбияи зебоипарастӣ, суръату сифати тоза бахшидан ба истеҳсоли матоъҳои гуногуни миллӣ, аз қабили чакану чакандӯзӣ, сӯзанидӯзиву гулдӯзӣ, порадӯзӣ, читгарӣ, атласу адрасбофӣ ва бо назардошти дархости мудири шуъбаи кор бо занон ва оила аз 3 апрели соли 2023, №702, Қ А Р О Р М Е К У Н А М:

1. Даҳаи аввали моҳи апрели соли 2023 Фестивали шаҳрии «Сад ранги чакан» гузаронида шавад.

2. Ҳайати кумитаи тадорукот, низомнома, нақшаи чорабиниҳо, харҷномаи Фестивал тасдиқ карда шаванд (замимаҳои 1, 2, 3, 4).

3. Ҳамоҳангсози қарори мазкур шуъбаи кор бо занон ва оилаи мақомоти иҷроияи ҳокимияти давлатии шаҳр муқаррар карда шавад.

4. Шуъбаҳои кор бо занон ва оила, рушди иҷтимоӣ ва робита бо ҷомеаи дастгоҳи Раиси шаҳр, маориф, Агентии меҳнат ва шуғли аҳолӣ дар шаҳр, намояндаи Муассисаи давлатии «Мактаби эҳё ва рушди атласу адрасбофии дастӣ ва дигар ҳунарҳои халқӣ» дар шаҳр баҳри дар сатҳи баланд гузаронидани Фестивали шаҳрии «Сад ранги чакан» тадбирҳои мушаххас андешанд.

5. Ба бахши фарҳанги шаҳр супурда шавад, ки барномаи фарҳангии Фестивали шаҳрии «Сад ранги чакан»-ро таҳия ва пешниҳод намояд.

6. Мақомоти иҷроияи ҳокимияти давлатии шаҳр, муассисаҳои таҳсилоти олӣ ва миёнаи касбӣ ҷиҳати мақсаднок ва дар сатҳи баланди ташкилӣ баргузор намудани Фестивали «Сад ранги чакан» тадбирҳои зарурӣ андешанд.

7. Ба бахши фарҳанги мақомоти иҷроияи ҳокимияти давлатии шаҳр супорида шавад, ки маблағгузории баргузории Фестивалро аз ҳисоби маблағҳои ба соҳаи фарҳанг пешбинишуда дар соли 2023, мувофиқи замимаи 4 амалӣ ва истифодаи мақсадноки маблағро таъмин намояд.

8. Котиби матбуоти Раиси шаҳр, рӯзномаи «Тирози ҷаҳон», ширкатҳои телевизион ва радиои маҳаллӣ ҷараёни омодагӣ ва рафти Фестивалро дар воситаҳои ахбори омма ҳаматарафа инъикос намоянд.

9. Назорати иҷрои қарори мазкур ба зиммаи муовини Раиси шаҳр Нуруллозода Фирӯза вогузор карда шавад.

Раиси шаҳр Шарифзода Фирдавс

Back to top button