Дар доираи татбиқи нақшаи чорабиниҳо ҷиҳати амалигардонии дастуру супоришҳое, ки аз Паёми Президенти Ҷумҳурии Тоҷикистон ба Маҷлиси Олӣ бармеоянд, бунёд ва баистифодадиҳии боғчаҳои бачагона дар ноҳияи Айнӣ бо маром идома доранд. Дар ин замина дар ҳар деҳае, ки дорои зиёда аз 100 хоҷагӣ мебошад, дар он бунёди кӯдакистон зарур шуморида мешавад.
Дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, дар доираи нақша-чорабиниҳои 35-солагии Истиқлоли давлатии Ҷумҳурии Тоҷикистон дар деҳаи Томини Ҷамоати деҳоти Айнии ноҳияи Айнӣ барои бунёди бинои Муассисаи таҳсилоти томактабӣ бо иштироки Раиси ноҳия Равшан Раҳимзода санги асос гузошта шуд.
Ба Раиси ноҳияи Айнӣ иттилоъ дода шуд, ки муассиса аз ду ошёна иборат буда, он дорои ду ҳуҷраи таълимӣ, ду ҳуҷра барои хоби кӯдакон, ду ҳуҷраи корӣ, ошхона, толори мусиқӣ, ҳуҷраи беҳдоштӣ, ҳуҷраи техникӣ ва буфет хоҳад буд.
Лоиҳаи бино аз ҷониби Корхонаи фаръии Корхонаи воҳиди давлатии “Лоиҳакаш” тарҳрезӣ гардида, фармоишгари он хоҷагии деҳқонии “Истиқлол” буда, аз ҷониби МИҲД-и ноҳия ва дастгирии сокинони саховатпешаи деҳаи Томин бунёд мегардад. Муассиса барои 60 нафар таълимгиранда пешбинӣ шудааст.
Равшан Раҳимзода, -Раиси ноҳияи Айнӣ зимни гузоштани санги асос афзуд, ки ҳамаи ин ташаббусу ободкориҳо барои тарбияи насли нави ватандӯст ва созандаву бунёдкор равона карда шуда, умед дорем наслҳои оянда ба хизматҳои Пешвои муаззами миллат муҳтарам Эмомалӣ Раҳмон бо арҷгузорӣ муносибат карда, дар ободкориву муҳофизат ва ягона нигоҳ доштани марзу буми кишвари азизамон Тоҷикистони соҳибистиқлол саҳми муносиби худро мегузоранд.
Дафтари матбуоти Раиси ноҳияи Айнӣ
и ещё 10
Статистика и объявления
Продвигать публикацию
Все реакции:
85
