Дар асоси дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Айнӣ маъракаи кабудизоркунӣ бомаром идома мегирад.
Нимаи дуюми рӯзи 2-юми апрел дар мавзеи Лангари деҳаи Сангистон бо иштироки Раиси ноҳия Рӯзибой Раҳимзода маъракаи ниҳолшинонӣ доир гардид.
Раиси ноҳияи Айнӣ зимни маъракаи ниҳолшинонӣ масъулонро ба вусъати маъракаи ободониву сабзу хуррамгардонӣ дар ҳудуди ноҳия ҳидоят намуда, таъкид кард, ки таваҷҷуҳи махсус ба интихоби навъҳои дарахту буттаҳо бо назардошти хусусиятҳои зебоибахшиашон ба шаҳраку маҳаллаҳо ва риояи қоидаҳои дурусти агротехникӣ дар раванди ниҳолшинонӣ диҳанд.
Рӯзибой Раҳимзода ба масъулон дастур дод, ки дар байни мардум оид ба маъракаи сабзгардонии кишвар корҳои фаҳмондадиҳӣ гузаронанд. Пешниҳод гардид, ки ҳар оилаи сокини ноҳия дар ин мавсим бояд дар назди манзили зисташ, лоақал, як дарахти ҳамешасабз шинонида, онро парвариш намояд. Раиси ноҳия иқдоми мазкурро саҳмгузорӣ дар ободонии ноҳия арзёбӣ намуда, онро барои насли наврас намунаи ибрат ва омили дӯст доштани табиат, макони зист ва сарзамини аҷдодӣ маънидод кард.
Бояд гуфт, ки имрӯз бо супориши Раиси ноҳия дар мавзеи Лангари деҳаи Сангистон 5200 бех ниҳолҳои себу олуболу мешинонанд.
и ещё 7
