Дар ноҳияи Айнӣ бахшида ба 35-солагии ҷашни Истиқлоли давлатӣ тайи чанд соли охир корҳои таъмири роҳҳои дохилидеҳавӣ вусъат пайдо карда, аксари роҳҳо ва кӯчаҳо мумфарш карда мешаванд.
Субҳи имрӯз, санаи 15-уми июли соли 2025 дар деҳаи Томин корҳои таъмиру мумфаршкунӣ оғоз гардид. Ёдовар мешавем, ки роҳи мазкур, қисме аз роҳи Айнӣ – Куҳистони Мастчоҳро дар бар гирифта, чанде пештар то деҳаи Сангистон таъмиру мумфарш гардида буд.
Ҳамакнун, бо ташаббуси МИҲД-и ноҳия ва дастгирии сокинони ватандӯст зиёда аз 1 километр роҳи дохили деҳаи Томин мумфарш карда мешавад. Таъмиру азнавсозии роҳро МДНРА ва филиали Ширкати саҳомии «Инновейтив Роуд Солюшнз ЛТД»-и Ҷумҳурии Тоҷикистон дар ноҳияи Айнӣ ба уҳда гирифтаанд. Айни ҳол дар роҳи мазкур тамоми техникаҳои зарурии Муассисаи давлатии назорати роҳҳои автомобилии ноҳия ва филиали Ширкати саҳомии «Инновейтив Роуд Солюшнз ЛТД»-и Ҷумҳурии Тоҷикистон дар ноҳияи Айнӣ барои хизматрасонӣ равона гардидаанд.
Раиси ноҳияи Айнӣ Равшан Раҳимзода аз ҳамовозӣ пайдо кардани иқдоми таъмири роҳҳо аз ҷониби аҳолӣ ва соҳибкорон изҳори қаноатмандӣ карда, афзуд, ки ҳамаи ин ба шарофати пойдории сулҳу оромӣ дар кишвар рӯи кор омада, беҳтар кардани шароити зиндагии мардум дар маркази таваҷҷуҳи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дорад.
Равшан Раҳимзода таъмири роҳро аз беҳтарин амалҳои хайру савоб, намунаи ибрат барои фарзандон ва авлотар аз маъракаҳои исрофкорӣ маънидод карда, ба сокинони ҳимматбаланди деҳаи Томин аз номи Мақомоти иҷроияи ҳокимияти давлатии ноҳияи Айнӣ изҳори сипос намуд.
Маврид ба ёдоварист, ки ин иқдом дар ҳама деҳаҳои ноҳияи Айнӣ роҳандозӣ гардида, бахшида ба 35-солагии Истиқлоли давлатии Ҷумҳурии Тоҷикистон рӯи кор меояд.
и ещё 4
Статистика и объявления
Продвигать публикацию
Все реакции:
81
