Машварати кории Раиси ноҳияи Айнӣ

Санаи 21-уми июли соли 2025 дар бинои Мақомоти иҷроияи ҳокимияти давлатии ноҳияи Айнӣ машварати кории Раиси ноҳияи Айнӣ бо роҳбарони ташкилоту муассисаҳои давлатию ҷамъиятӣ баргузор гардид.

Машварати кории Раиси ноҳия бо роҳбарони ташкилоту муассисаҳои ноҳиявӣ бо мақсади расонидани дастуру супоришҳои Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон, ки зимни суханрониашон дар маҷлиси васеи Кумитаи иҷроияи марказии Ҳизби халқии демократии Тоҷикистон санаи 17 июл дар шаҳри Душанбе иброз доштанд, баргузор гардид

Нахуст, Равшан Раҳимзода, -Раиси ноҳияи Айнӣ масъалаи вусъат бахшидани фаъолияти ташкилоти ҳизбӣ барои истиқболи сазовори ҷашни 35-солагии истиқлоли давлатии Ҷумҳурии Тоҷикистонро мавриди баррасӣ қарор дод. Раиси ноҳия таъкид дошт, ки барои дар сатҳи зарурӣ ва бо дастовардҳои арзанда истиқбол гирифтани ин ҷашни муҳими миллӣ мо бояд дар якҷоягӣ бо ҷалби васеи сокинони ободкору ватандӯст амал намоем.

Раиси ноҳия иброз дошт, ки сиёсати ҳизбӣ аз рӯзҳои аввали таъсисёбӣ ба масъалаҳои сулҳу оромӣ, ваҳдати миллӣ ва ҷалб кардани аҳолӣ ба созандагиву бунёдкорӣ таваҷҷуҳи аввалиндараҷа зоҳир намуда, дар оянда низ бояд бо мақсади дар зеҳну шуури шаҳрвандон, хусусан, ҷавонон тарбия кардани ғояҳои сулҳу ваҳдати миллӣ фаъолияти босамар дошта бошад. Бояд минбаъд низ дар маркази таваҷҷуҳи ҳизб ва сохторҳои маҳаллии он тарғибу ташвиқи ободкории давлату ҳукумат дар якҷоягӣ бо шаҳрвандон қарор дошта бошад.

Таъкид шуд, ки сохторҳои идеологии ноҳия ҳамчун неруи пешбаранда дар рушди иҷтимоиву иқтисодии ноҳия низ нақши калидӣ дошта, фаъолияти он дар татбиқи стратегияву барномаҳои давлатӣ ва баланд бардоштани сатҳи некуаҳволии мардум возеҳ эҳсос мешавад.

Чуноне, гуфт -Раиси ноҳия, Президенти мамлакат муҳтарам Эмомалӣ Раҳмон дар баромадашон аз мушкилоти замони нав ва шиддати бесобиқа пайдо кардани равандҳои номатлуби сиёсиву низомӣ дар сайёра – мухолифату низоъҳо, яроқнокшавии бошитоб, “ҷанги сард”, тағйирёбии босуръати иқлим ва оқибатҳои ногувори он ёдовар шуданд. Бояд махсус қайд кунам, -гуфт Раиси ноҳия, ки ин ҳолат аз ҳар яки мо барои ҳалли масъалаҳои пешомада масъулият ва муносибати ҷиддӣ талаб мекунад.

Раиси ноҳия бо иқтибос аз суханҳои Пешвои муаззами миллат ба сохторҳои марбута дастур дод, ки фаъолиятро дар самти густариш бахшидани худшиносиву худогоҳии миллӣ, ҳисси ватандӯстиву ватандории мардум, баланд бардоштани маърифати сиёсиву ҳуқуқии аҳолии кишвар, бахусус, наврасону ҷавонон тақвият бахшанд. Манфиатҳои миллию давлатиро мунтазам ҳимоя намуда, кор бо мардумро тавре ба роҳ монанд, ки ҳар як шаҳрванди кишвар худро дар раванди давлатдорӣ масъул ҳисобад, моҳият ва ҳадафи хатарҳоеро, ки ба давлатдории мо ва истиқлолу озодии он таҳдид мекунанд, амиқ дарк намояд ва вазифаи худро дар татбиқи ҳадафҳои давлат ва ҳукумати кишвар мустақилона муайяну мушаххас карда тавонад. Дар ҳамкории доимӣ бо мақомоти иҷроияи маҳаллии ҳокимияти давлатӣ, сохторҳои ҳифзи ҳуқуқ, кор бо ҷавонон ва варзиш, занон ва оила, дин ва танзими ҷашну маросим, маориф ва илм, тандурустӣ ва ҳифзи иҷтимоии аҳолӣ, фарҳанг, меҳнат, муҳоҷират ва шуғли аҳолӣ, кишоварзӣ ва мудофиа фаъолияти тарғиботиву ташвиқотиро дар деҳот ва маҳалҳои зисти аҳолӣ ба таври доимӣ ва фарогир ба роҳ монанд.

Ҳамзамон, гуфт Раиси ноҳия, чуноне Президенти маҳбуби кишвар иброз доштанд, -ҳамаи ташкилоти идеологӣ вазифадоранд, ки корҳои таблиғотиву ташвиқотиро вусъат бахшида, дар татбиқи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” ҳамкории доимиву муштаракро бо тамоми субъектҳои тарбияи ватандӯстӣ барои таҳкими пояҳои давлатдории миллӣ тавассути ҳифзи манфиатҳои миллӣ ва боло бурдани эътимод ба низоми давлативу давлатдорӣ равона намоянд.

Дар шароити имрӯзаи Тоҷикистони озоду соҳибистиқлол, ки бо мардуми ватандӯсти он бо қадамҳои устувор ва дилу нияти нек ба суи пешрафту шукуфоӣ ҳаракат менамоянд, ҳамаи роҳбарону масъулини сохторҳои идеологиро лозим аст, ки тамоми қувва ва маҳорату истеъдоди худро барои тавсеа ва тақвият бахшидани ваҳдати миллӣ, суботи сиёсӣ ва амният, волоияти қонун, муборизаи беамон бар зидди коррупсия ва гардиши ғайриқонунии маводи мухаддир, таъмини рушди устувори кишвар бо истифодаи васеъ аз дастовардҳои илмию технологии муосир сафарбар намояд.