Бахшида ба 35-солагии Истиқлоли давлатии Ҷумҳурии Тоҷикистон дар ноҳияи Айнӣ корҳои созандагӣ бо маром вусъат мегиранд.
Бо ҷонибдорӣ аз сиёсати созандаи роҳбарияти Олии давлату ҳукумати мамлакат ва дар доираи омодагиҳо ба ҷашни 35-солагии Истиқлоли давлатии Ҷумҳурии Тоҷикистон бо ибтикори Мақомоти иҷроияи ҳокимияти давлатии ноҳия аз тарафи шахсони саховатпешаву бунёдкори деҳаи Урметан дар маҳаллаи Исковат Маркази ҷамъиятӣ сохта мешавад.
Бунёди Маркази ҷамъиятии Исковат, нахуст, бо ташаббуси Абдуманнон Сулаймонов ҳусни оғоз гирифт. Мавсуф бар ивази саёҳат ба Арабистони саудӣ маблағи пасандозкардаашро, ки 60 ҳазор сомониро ташкил медод, барои ободии диёраш масраф кард, ки ин амали ҷавонмардонаи ӯ ҳамчун намунаи ибрат ба ҳамдеҳагонаш таъсири мусбӣ расонид.
Ҳамакнун, бо дастгирии ҳамсояҳову хешу таборон ва истиқоматкунандагони маҳаллаи Исковати деҳаи Урметан Маркази ҷамъиятӣ бунёд карда мешавад, ки дар ошёнаи аввали он ҷои пухтупазу хӯроки умумӣ ва дар ошёнаи дуюми бино толори барҳавою замонавӣ барои гузаронидани маъракаву дигар маросими иҷтимоӣ ва тӯйҳои арӯсию домодӣ бунёд мегардад.
Зимни боздид аз рафти корҳои сохтмонӣ ба Раиси ноҳияи Айнӣ Равшан Раҳимзода иттилоъ доданд, ки Маркази ҷамъиятии Исковат бо тарҳи хеле муҳташам бунёд мегардад ва дар он ҳама шароити зарурӣ муҳайё карда мешавад.
Зери таъсири амалҳои ҷавонмардӣ – ҷавонмарди дигари ҳамин деҳа Меҳрон Давронзода дар замини назди ҳавлиаш аввалин Муассисаи томактабии хусусӣ дар ноҳияро месозад. Бинои Муассисаи томактабӣ дар ошёнаи дуюми бино бо ҷалби 80 нафар таълимгиранда бунёд карда мешавад. Дар ошёнаи якуми бино мағозаҳо, дӯкони сартарошӣ, кошонаи ҳусн, дӯкони дӯхти либосҳои занонаю мардона, дӯкони таъмири таҷҳизоти барқӣ ва дигар дӯконҳои хизматрасонӣ ташкил мегарданд.
Шахсони бо нангу номуси деҳаи Урметан бо ҳамдастӣ ба сиёсати созандагии Ҳукумати Ҷумҳурии Тоҷикистон мехоҳанд ҷиҳати ба шуғли доимӣ фаро гирифтани аҳолӣ дар иншооти навбунёд ва таъмини беш аз 20 нафар сокинони маҳаллӣ бо ҷойи кори доимӣ ва маоши хуб мусоидат кунанд.
Сокинони деҳа зимни суҳбат бо Раиси ноҳия гуфтанд, ки ҳамеша мехостанд бо ҷонибдорӣ аз сиёсати созандаи Роҳбарияти Олии кишвар ҷиҳати дар сатҳи баландаи созандагӣ истиқбол гирифтани ҷашни умумимиллӣ, 35 -солагии Истиқлоли давлатӣ саҳми хешро дар ободии диёр гузоранд.
Раиси ноҳия Равшан Раҳимзода арзу сипрси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба мардони созандаи деҳаи Урметан расонида, таъкид кард, ки МИҲД-и ноҳия ҳамеша амалҳои ҷавонмардонаи фарзандони баномуси диёрро қадр мекунад.
и ещё 21
Статистика и объявления
Продвигать публикацию
Все реакции:
54
