23-юми июли соли 2025 Раиси ноҳияи Айнӣ Равшан Раҳимзода аз рафти ҷамъоварии хӯроки чорво аз заминҳои хоҷагии деҳқонии Бобоҷон Ғафурови мавзеи Дашти Испина деҳаи Ревади Ҷамоати деҳоти Урметан боздид кард.
Дашти Испина дар баландии зиёда аз 2000 метр аз сатҳи баҳр қарор дошта, фарогири қариб 300 гектар замин мебошад. Гарчанде Дашти Испина бе об бошад ҳам, вале заминҳои он аз алафи худрӯ орӣ нест. Баландии алафзори Дашти Испина наздики 1,5 метрро ташкил дода, хоҷагии деҳқонии Бобоҷон Ғафуров аз он ҳамасола фоидаи зиёде ба даст меоварад.
Зимни боздид Раиси ноҳияи Айнӣ Равшан Раҳимзода аз ин мавзеъ бо масъулин мулоқот карда, вобаста ба тақвияти шудгори заминҳо ва дигар масъалаҳои марбутаи соҳаи кишоварзӣ маслиҳатҳо дода, дартпеши онҳо вазифаҳои мушаххас гузошт. Масъулон муваззаф шуданд нақшаи обёрӣ намудани Дашти Испинаро дар давоми сол пешниҳод намоянд. Равшан Раҳимзода иброз дошт, ки бо обёрӣ шудани Дашти Испина наздики 300 гектар замини тахту ҳамвор ба кишти зироатҳои полезӣ, аз ҷумла кишти картошка фаро гирифта мешавад ва ин бе шубҳа ба таъмини хуби амнияти озуқавории кишвар мусоидат хоҳад кард.
Раиси ноҳия ҳамчунин ба масъулини соҳаи кишоварзии ноҳия вобаста ба иҷрои саривақтии дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба самаранок истифода кардани заминҳо, гирифтани ду – се ҳосил аз як замин, ба кишт пурра фаро гирифтани заминҳои наздиҳавилигӣ ва хоҷагиҳои ёрирасон, ба таври кофӣ барои ду сол захира кардани маҳсулот ва дигар масъалаҳои марбут супоришҳои мушаххас дод.
Дафтари матбуоти Раиси ноҳияи Айнӣ
и ещё 18
Статистика и объявления
Продвигать публикацию
Все реакции:
71
