Раиси ноҳияи Айнӣ Равшан Раҳимзода аз оғози фаъолияти ҶСП Ангишти Тахт боздид кард.
Хотиррасон менамоем, ки санаи 11-уми июл аснои сафари корӣ Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Айнӣ ба таври фосилавӣ ба фаъолияти корхонаи саноатии ҶСП Ангишти Тахт ҳусни оғоз бахшиданд.
Корхонаи ҶСП Ангишти Тахт, ки дар Ҷамоати деҳоти деҳоти Фондарё ба фаъолият шуруъ кард, бо назардошти талаботи муосир бунёд гардида, самти фаъолияти он коркарди ангишт ба шумор меравад.
Ташкили корхонаи мазкур бо мақсади истифодаи захираҳои бойи табиии Тоҷикистон роҳандозӣ шуда, иқтидори истихроҷи ангишт 90 ҳазор тонна дар як сол пешбинӣ гардидааст ва корҳои омӯзишию геологӣ аз ҷониби мутахассисони маҳаллӣ сомон дода мешавад.
Дар корхонаи мазкур озмоишгоҳи замонавӣ бо насби таҷҳизоти насли нав мавҷуд буда, баҳри муайян намудани сифати ангишт, намнокӣ, гармидиҳӣ, хокистарнокӣ ва сулфури ангишт пешбинӣ гардидааст, ки аз бартариятҳои кони ангишти ҶСП Ангишти Тахт дониста мешавад.
Ҳамчунин, дар озмоишгоҳи корхона ҳар як маҳсулоти ба фурӯшгузошташуда, аз ташхис гузаронида мешавад. Бояд таззакур дод, ки барои истихроҷи ангишт 70 техника ва таҷҳизоти муосири соҳавӣ ҷалб ва дар маҷмуъ 250 нафар дар ин ҷо бо кори доимӣ таъмин шудаанд.
Айни ҳол корҳои роҳкушоӣ ба самти захираҳо табиӣ идома дошта, ба Раиси ноҳия иттилоъ дода шуд, ки дар кутоҳтарин муддат он ба анҷом расонида мешавад.
Равшан Раҳимзода зимни суҳбат бо кормандону мутахассисон дастуру супоришҳои Пешвои муаззами миллатро дар самти истеҳсолот ва рушди соҳаи саноат расонида, таъкид кард, ки дар раванди роҳкушоӣ эҳтиёткорона амал намоянд. Зеро, роҳи мошингарде, ки то наздикии кон кушода истодаанд, дар наздикии деҳоти аҳолинишин убур мекунад. Ҳамчунин, Раиси ноҳия ба масъулони корхона таъкид ба амал овард, ки коргаронро аз ҳисоби сокинони маҳаллӣ ба кор ҷалб намоянд.
и ещё 11
Статистика и объявления
Продвигать публикацию
Все реакции:
53
