Вобаста ба Қарори раиси вилояти Суғд аз 5-уми июни соли 2025, таҳти рақами 152 ва дар ин замина Қарори раиси ноҳияи Айнӣ 19-уми июни соли 2025, таҳти рақами 237 “Дар бораи гузаронидани омӯзиши пеш аз даъватӣ ва омода намудани шаҳрвандони солҳои таваллудашон 1998-2007 ба хизмати ҳарбӣ дар даъвати тирамоҳии соли 2025” дар ноҳияи Айнӣ бо иштироки муовини раиси вилояти Суғд Ҷамшед Ҷӯразода, коммссари ҳарбии вилояти Суғд генерал-майор Умед Солизода, раиси ноҳияи Айнӣ Равшан Раҳимзода ва масъулини мақомоти вобастаи давлатии даъват, ҳайатҳои роҳбариву фаъолон, кормандони комиссариати ҳарбии ноҳия Ситоди омӯзишӣ баргузор гардид.
Ситоди омӯзишӣ дар доираи Қонуни Ҷумҳурии Тоҷикистон “Дар бораи уҳдадории ҳарбӣ ва хизмати ҳарбӣ”, иҷрои талаботи фармони Президенти Ҷумҳурии Тоҷикистон муҳтарам Эмомалӣ Раҳмон дар бораи даъвату гусели шаҳрвандон ба сафи Қувваҳои Мусаллаҳ ташкил ва гузаронида шуд.
Дар рафти Ситоди омӯзишӣ, доир ба дастуру супоришҳои Сарфармондеҳи Олии Қувваҳои Мусаллаҳ, генерали артиш муҳтарам Эмомалӣ Раҳмон, ба шахсони масъул фаҳмонида шуд, ки бинобар сабаби вазъи ноустувору зудтағйирёбандаи ҷаҳони муосир имрӯз аз ҳар як фарди Ватан омодабошии доимии ҷангӣ ва масъулияти баланду муносибати ҷиддиро дар самти ҳимояи марзу буми кишвар тақозо менамояд.
Раиси ноҳияи Айнӣ Равшан Раҳимзода дар баромади худ қайд кард, ки то ба имрӯз аз ҳисоби 66 нафар ихтиёриён 1 нафар фарзанди имомхатиби ноҳия ва 19 нафар фарзандони шахсони мансабдор ҷалб карда шудаанд ва ба хизмати ҳарбӣ омода мебошанд. Масъалаи аз муҳоҷирати меҳнатӣ ҷалб намудани шаҳрвандони синну соли даъватӣ ба хизмати ҳарбӣ зери назорат буда, дар ин самт корбарии муташаккилона рафта истодааст.
Равшан Раҳимзода ҳамчунин, афзуд, ки Ташкилоти ҷамъиятии мададгори мудофиа дар ноҳия 30 нафар даъватшавандагонро аз ҷамоатҳои шаҳраку деҳот ҷалб намуда, онҳо то сафарбаршавӣ ба сафи Қувваҳои Мусаллаҳ соҳиби шаҳодатномаи ронандагӣ хоҳанд шуд. Раёсати ситодӣ ба масъулон қатъӣ супориш доданд, ки ин чорабинии муҳими сиёсӣ, пеш аз ҳама ҳамкориро бо мардум боз ҳам ҷоннок намуда, ба масоили ташкилу ба роҳ мондани сифати даъват диққати аввалиндараҷа равона намоянд ва дар ҳамоҳангӣ бо мақомоти иҷроияи ҳокимияти давлатии ноҳия, тамоми шароити заруриро барои ҳайати комиссияҳои даъватӣ муҳайё созанд. Илова бар ин, дастур дода шуд, ки вобаста ба муроҷиати мардум, дар доираи талаботи қонунҳои амалкунанда, сари вақт қарори дахлдор қабул намоянд.
Таъкид гардид, ки масъулини мақомоти вобастаи давлатии даъват, ба омӯзиши шахсияти даъватшавандагон, ташхису муойинаи тиббӣ, ҷалби ҳарчӣ бештари фарзандони шахсони мансабдор, пешгирӣ аз ҷинояту роҳҳои ғайриқонунии даъват, омода кардани мутахассисон барои Қувваҳои Мусаллаҳ дар Ташкилоти ҷамъиятии мададгори мудофиа диққати ҷиддӣ зоҳир намуда, кӯшиш намоянд, ки ҷавонони солиму бардам ва болаёқатро интихоб ва ба сафи Артиши миллӣ равона созанд.
Дафтари матбуоти Раиси ноҳияи Айнӣ
и ещё 6
Статистика и объявления
Продвигать публикацию
Все реакции:
26
