Дар деҳаи Дар – Дари Ҷамоати деҳоти Дар – Дари ноҳияи Айнӣ бо иштироки Раиси ноҳияи Айнӣ Равшан Раҳимзода, аҳли фарҳанг ва сокинон дар фазои тантанавӣ Хонаи нави фарҳанг ба истифода дода шуд. Иншооти мазкур пас аз таъмири куллӣ ва мутобиқкунонӣ ба шароити замони муосир ба Хонаи фарҳанг табдил дода шуд. дар гузашта ин бино ҳамчун клуб хизмат мекард, ки онро дар замони собиқ Иттиҳоди Шӯравӣ бунёд карда буданд. Бо гузашти солҳо бино куҳнаю фҷарсуда гашта, бо ибтикори МИҲД-и ноҳия ва бахшида ба 35-солагии Истиқлоли давлатии Ҷумҳурии Тоҷикистон таъмиру таҷдид карда шуд.
Иншооти нав бо мақсади рушди фаъолияти фарҳангӣ, ҳунарӣ ва тарбияи маънавии ҷавонон таъмиру азнавсозӣ шуда, дорои толори консертию маҷлисӣ, китобхонаи замонавӣ ва дигар бахшҳои зарурии фарҳангист.
Равшан Раҳимзода, -Раиси ноҳияи Айнӣ изҳор дошт, ки ифтитоҳи ин Хонаи фарҳанг зери ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон рӯи кор омад ва албатта ин қадами муҳим дар роҳи эҳёи арзишҳои миллӣ ва фароҳам овардани шароити мусоид барои истеъдодҳои маҳаллӣ мебошад.
Наҷотбек Холиқов, -собиқ Раиси Ҷамоати деҳоти Дар –Дар ва шоир Ҷамшед Орифиён ваъда карданд, ки бар ивази ин меҳрубониҳо ба аҳли деҳаи барои таъсиси муассисаи томактабӣ дар маркази ҷамоат ҷидду ҷаҳд хоҳанд кард.
Ҳамзамон, аз ҷониби сокинони деҳа изҳори сипосу миннатдорӣ баён гардида, пешниҳод карда шуд, ки Хонаи фарҳанг ба номи шоири халқии Тоҷикистон, муаллифи Суруди миллии Ҷумҳурии Тоҷикистон Гулназар Келдӣ, ки зодаи ҳамин деҳа аст, гузошта шавад. Ҳамчунин, зодагони ин деҳаи сарбаланди ноҳия миннатдории худро ба Пешвои муаззами миллат муҳтарам Эмомалӣ Раҳмон барои таъмиру таҷдиди Хонаи фарҳанг иброз доштанд.
Чорабинӣ дар фазои идона баргузор гардида, аҳли деҳа бо руҳияи баланди идона ифтитоҳи ин маркази муҳими фарҳангиро ҷашн гирифтанд.
и ещё 21
Статистика и объявления
Продвигать публикацию
Все реакции:
85
