Раиси ноҳияи Айнӣ Равшан Раҳимзода дар фазои тантанавӣ ва бо иштироки сокинон, ҷавонон ва масъулони маҳаллӣ дар деҳаи баландкӯҳии Пинён майдончаи нави варзиширо ба истифода дод.
Майдончаи варзишӣ бо мақсади ташвиқи тарзи ҳаёти солим, рушди варзиш дар минтақаҳои дурдаст ва фароҳамсозии шароити мусоид барои ҷавонон бунёд гардида, бо таҷҳизоти муосири варзишӣ, аз ҷумла майдони футболча, васоити тамринӣ ва курсиҳои нишаст ҷиҳозонида шудааст.
Роҳбарияти МИҲД-и ноҳия Равшан Раҳимзода зимни ифтитоҳи майдончаи варзишӣ иброз дошт, ки мо зери ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амал намуда, дар рушду нумӯи варзиш саҳми арзанда хоҳем гузошт. Бунёди чунин иншоотҳо дар деҳоти баландкӯҳ на танҳо имкониятҳои ҷавононро барои машғулият бо варзиш васеъ мекунад, балки сабаби коҳиши омилҳои носолими иҷтимоӣ ва болоравии руҳияи солимгароӣ дар байни аҳолӣ мегардад.
Иштирокчиёни чорабинӣ бо шодиву фараҳ аз ифтитоҳи ин майдонча истиқбол гирифта, сокинони деҳа бо шукргузорӣ аз сулҳу суботи кишвар миннатдории худро ба Президенти Ҷумҳурии Тоҷикистон муҳтарам Эмомалӣ Раҳмон барои бунёдкориҳои пай дар пай дар Ҷамоати деҳоти Фондарё расониданд.
Дар охир як бозии дӯстонаи футбол миёни наврасони маҳаллӣ баргузор гардид.
и ещё 21
Статистика и объявления
Продвигать публикацию
Все реакции:
63
