Дар заминҳои кишоварзии мавзеи Дашти Хушекати ноҳияи Айнӣ мавсими ҷамъоварии ҳосили картошка оғоз гардида, кишоварзон бо рӯҳияи баланд ба ғунучини ҳосили имсолаи худ шуруъ карданд.
Ёдовар мешавем, ки дар оғози кишту кори баҳорӣ кормандони МИҲД-и ноҳия аз заминҳои саҳмияи Дашти Хушекат наздики 60 сотих картошка кишт намуда буданд. Ба гуфтаи мутахассисони соҳа, имсол, бо шарофати иқлими мусоид, корҳои дурусти агротехникӣ ва истифодаи тухмии хушсифат, ҳосили картошка назаррас буда, нисбат ба соли гузашта афзоиш ёфтааст.
Раиси ноҳияи Айнӣ Равшан Раҳимзода иброз дошт, ки МИҲД-и ноҳия барои дар амал татбиқ намудани дастуру супоришҳои Пешвои муаззами миллат муҳтарам Эмомалӣ Раҳмон дар самти таъмини амнияти озуқавории кишвар аввалин шуда дар майдони 60 сотих картошка кишт кард ва дар натиҷа мо ҳосили хеле хуб ба даст овардем.
Кормандони МИҲД-и ноҳия ният доранд, ки қисми зиёди маҳсулоти ҷамъоваришударо аввал барои захираи хӯрокаи худ, баъдан ба бозорҳои дохилӣ ва қисман ба бозорҳои беруна пешниҳод намоянд.
Ҷамъоварии картошка дар замини саҳмияи МИҲД-и ноҳия бо иштироки кормандон амалӣ шуда, интизор меравад, ки дар муддати кӯтоҳ ҳосил ба пуррагӣ ҷамъоварӣ гардад.
и ещё 6
Статистика и объявления
Продвигать публикацию
Все реакции:
82
