Дар озмуни ҷумҳуриявии “Фуруғи субҳи доноӣ китоб аст” аз ноҳияи Айнӣ ду нафар сазовори ҷои сеюм ва як нафар сазовори ҷойҳои ифтихорӣ шуданд. Шаҳдия Холмирзоева хонандаи синфи 10-уми МТМУ №16-и деҳаи Шаватки Боло аз рӯи наминатсияи “Адабиёти кӯдакону наврасон” ғолиби даври чоруми озмуни мазкур ҳисобида шуд ва бо 20000 сомонӣ мукофотпулӣ сарфароз гардид. Ҷамшед Орифиён сокини деҳаи Дар-Дар аз рӯйи номинатсияи “Эҷоди назм” сазовори ҷойи сеюм ва бо 20000 сомонӣ мукофотпулӣ қадрдонӣ гардид, Холмирзоев Шарифмурод нафақахӯр (собиқ омӯзгор) сокини деҳаи Шаватки Боло (бобои Шаҳдия) бошанд ҷойи ифтихориро соҳиб шуданд ва бо Ифтихорномаи мукофоти пулӣ дар ҳаҷми 5000 сомонӣ қадрдонӣ гардиданд. Ногуфта намонад, ки омӯзгори Шаҳдия Азизова Хосият бо нишони сарисинагии “Аълочии маориф ва илми Тоҷикистон” ва мукофоти пулӣ дар ҳаҷми 10000 сомонӣ қадрдонӣ гардиданд.
Инчунин омӯзгори фанни забон ва адабиёти тоҷики МТМУ №13-и деҳаи Вешаб аз рӯйи номинатсияи “Эҷоди наср” баромад намуда сазовори ҷойи дуюм гардиданд ва бо мукофоти пулӣ дар ҳаҷми 25000 сомонӣ қадрдонӣ гардиданд. Одинаев Қамар корманди минтақавии шабакаи телевизионии “Ҷаҳоннамо” мебошанд ва аз ҳисоби Кумитаи телевизион ва радиои назди Ҳукумати Ҷумҳурии Тоҷикистон баромад намуданд.
Муовини раиси ноҳияи Айнӣ Зебо Саидзода, мудири шӯъбаи маориф Фарҳод Мукаррамзода ва кормандони шӯъбаи маорифи ноҳия ғолибонро пешвоз гирифтанд. Муовини раиси ноҳия таъкид дошт, ки Озмуни ҷумҳуриявии «Фурӯғи субҳи доноӣ китоб аст» таҳти сарпарастии Президенти Ҷумҳурии Тоҷикистон муҳтарам Эмомалӣ Раҳмон баргузор шуда барои баланд бардоштани завқи китобхонӣ, тақвияти неруи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ равона гардидааст.
Воқеъан ҳам боиси ифтихору сарфарозист, ки имрӯзҳо аз ноҳияи Айнӣ сафи иштирокчиён ва ғолибони озмунҳои гуногуни ҷумҳуриявӣ бештар мегардад. Яке аз дастовардҳои бузурги аҳли маорифи ноҳия ғолибияти Шаҳдия Холмирзоева, Ҷамшед Орифиён, Холмирзоев Шарифмурод ва Одинаев Қамар мебошад.
Статистика и объявления
Продвигать публикацию
Все реакции:
1
