11 августи соли 2025 дар толори мақомоти иҷроияи ҳокимияти давлатии ноҳияи Айнӣ таҳти раёсати Раиси ноҳия Равшан Раҳимзода машварати корӣ бо иштироки роҳбарону масъулони соҳаи кишоварзӣ, раисони ҷамоатҳои шаҳраку деҳот, роҳбарони хоҷагиҳои деҳқонию инфиродӣ ва дигар шахсони дахлдор баргузор гардид.
Дар ҷаласа масъалаҳои муҳими марбут ба рушди соҳаи кишоварзӣ, аз ҷумла истифодаи самараноки замин, кишти такрорӣ, баланд бардоштани ҳосилнокии зироатҳо, иҷрои нақшаи истеҳсоли маҳсулоти кишоварзӣ ва таъмини амнияти озуқаворӣ мавриди баррасӣ қарор гирифтанд.
Раиси ноҳия аз масъулон талаб намуд, ки захираҳои мавҷудаи замин ва обро самаранок истифода баранд, кишти такрориро вусъат бахшанд ва барои ғанӣ гардондани бозор бо маҳсулоти тару тоза тадбирҳои иловагӣ андешанд. Ӯ таъкид кард, ки назорат ва ҳамоҳангсозии корҳои кишоварзӣ дар тамоми заминҳои ноҳия бояд пурзӯр карда шавад, то ки иҷрои нақшаҳо сари вақт ва босифат таъмин гардад.
Раиси ноҳия инчунин ба масъалаҳои дигари муҳими рӯз, аз ҷумла омодагӣ ба соли нави таҳсил, таъмини гармӣ ва маводи сӯзишворӣ барои зимистонгузаронӣ, омодагӣ ба ҷашни 35-солагии Истиқлоли давлатии Ҷумҳурии Тоҷикистон, таъмини оби полезӣ ва ҷалби ҷавонон ба сафи Қувваҳои Мусаллаҳ таваҷҷуҳ зоҳир намуда, иҷрои саривақтии ин вазифаҳоро зарур шуморид.
Ҳамзамон, Равшан Раҳимзода масъалаи азхудкунии заминҳои нав ва ворид намудани онҳо ба гардиши кишоварзиро матраҳ намуда, таъкид кард, ки омодагӣ ба кишти картошка барои баҳори соли 2026 бояд аз тирамоҳи соли ҷорӣ оғоз гардад.
Масъалаи таъмири роҳҳои байнидеҳавӣ низ дар ҷаласа мавриди баррасӣ қарор гирифт ва Раиси ноҳия ба масъулини дахлдор супориш дод, ки дар ин самт чораҳои амалӣ андешанд.
Дар анҷом, Равшан Раҳимзода аз ҳамаи масъулон даъват ба амал овард, ки бо масъулият ва ҷиддият ба иҷрои вазифаҳои хизматӣ бархӯрд намоянд ва иҷрои нақшаҳои пешбинишударо сари вақт ба анҷом расонанд.
и ещё 6
Статистика и объявления
Продвигать публикацию
Все реакции:
48
