Айнӣ, 12 августи соли 2025 — Дар толори маҷлисии Ҷамоати деҳоти Айнӣ бо иштироки намояндагони Хадамоти муҳоҷират, Агентии меҳнат ва шуғли аҳолӣ, Маркази машваратии назди Вазорати меҳнат, кормандони Созмони байналмилалии муҳоҷират (IOM) ва мутахассисони соҳаи муҳоҷират машварати иттилоотӣ баргузор гардид.Дар чорабинӣ Қудратов Ҳикматулло — роҳбари лоиҳаи “Муҳоҷирати бехатар барои коргарони мавсимӣ аз Осиёи Марказӣ ба Британияи Кабир”, Фараҳноз Ҷалилова — мушовири барнома ва Фируз Муродов — ҳамоҳангсози Маркази машваратии омодасозии пеш аз сафари муҳоҷирони меҳнатӣ дар шаҳри Душанбе суханронӣ карданд.
Мақсад: Муҳоҷирати бехатар ва огоҳонаҲадафи асосии машварат таъмини амнияти шаҳрвандон дар раванди муҳоҷирати меҳнатӣ, пешгирии шомилшавии онҳо ба гурӯҳҳои қаллобона ва таъмин намудани иттилооти дақиқ дар бораи муҳоҷирати қонунист.
“Ҳар як муҳоҷир бояд пеш аз сафар маълумоти кофӣ дар бораи қонунгузории кишвари қабулкунанда, шартҳои шартномаи меҳнатӣ ва роҳҳои ҳимояи ҳуқуқии шахсро дар ихтиёр дошта бошад,” — таъкид карданд масъулин.
Маркази машваратӣ ва раванди омодасозӣМаркази машваратӣ, ки дар назди Вазорати меҳнат ва шуғли аҳолӣ ташкил шудааст, дар ҳамкорӣ бо IOM ва дигар шарикон, курсҳои омӯзишӣ ва машваратҳои ҳуқуқӣ пеш аз сафари муҳоҷирон ба роҳ мондааст. Омӯзишҳо масъалаҳои зеринро дар бар мегиранд:
Қонунгузории меҳнатии кишварҳои қабулкунанда;
Меъёрҳои шартномаи расмии кор;
Ҳаёти иҷтимоӣ ва ҳуқуқу уҳдадориҳо дар хориҷ;
Пешгирӣ аз қаллобӣ ва шинохти ширкатҳои беэътимод.
Пешгирии қаллобӣ: Огоҳӣ ва эҳтиётНамояндагони хадамот иттилоъ доданд, ки дар соли ҷорӣ чандин ҳолатҳои фиреби шаҳрвандон аз ҷониби ширкатҳои қалбакӣ сабт шудаанд. Таъкид гардид, ки шартномабандии меҳнатӣ бояд танҳо тавассути сохторҳои расмӣ ва дар ҳузури намояндагони мақомоти марбута анҷом дода шавад.
“Мушоҳида мешавад, ки баъзе шаҳрвандон бе гирифтани маълумоти кофӣ, ба воситаи интернет ё шахсони номаълум маблағ пардохт намуда, бо мушкилоти ҷиддӣ рӯ ба рӯ мешаванд,” — гуфтанд мутахассисон.
Ба шаҳрвандон тавсия дода шуд, ки:
Танҳо бо шиносномаҳои эътиборнок ва шартномаҳои тасдиқшудаи расмӣ сафар кунанд;
Аз бастани шартномаҳои онлайн ва пардохти маблағ пеш аз машварат бо марказҳои расмӣ худдорӣ намоянд;
Дар сурати рӯ ба рӯ шудан бо фиреб ё қаллобӣ, ба мақомоти ҳифзи ҳуқуқ муроҷиат кунанд.
ХулосаМақомот аз шаҳрвандон даъват ба амал меоранд, ки муҳоҷиратро бо зиракӣ, иттилооти дақиқ ва тавассути каналҳои расмӣ ба роҳ монанд. Муҳоҷирати бехатар кафолати зиндагии шоиста дар хориҷ ва ҳимояи ҳуқуқии муҳоҷиронро таъмин менамояд.
и ещё 8
Статистика и объявления
Продвигать публикацию
Все реакции:
16
