Имрӯзҳо бо иқдоми Мақомоти иҷроияи ҳокимияти давлатии ноҳияи Айнӣ гурӯҳи кории мақомоти маҳаллӣ дар ҳамбастагӣ бо сохторҳои дахлдор вохӯриву мулоқотҳоро бо хонандагон, омӯзгорон ва падару модарон дар доираи усули Деҳа ба деҳа баргузор намуда истодаанд.
Дар ҳамин замина, гурӯҳи таблиғотӣ дар деҳаи Кӯҳрӯд вохӯрии васеъ бо падару модарон ва омӯзгорон доир кард.
Зимни мулоқот таъкид гардид, ки баргузории чунин вохӯриҳо пеш аз ҳама бо ҳадафи пешгирӣ аз падидаҳои номатлуб миёни наврасону ҷавонон, ҷилавгирӣ аз ҳар гуна ҷинояткорӣ ва шомилшавӣ ба равияҳои ифротию террористӣ роҳандозӣ гардидаанд. Ҳамчунин ҷалби фаъолонаи падару модарон ба таълиму тарбияи фарзандон, таъмини ҳатмии таҳсил дар зинаи сеюми таҳсилот ва фаҳмонидани муҳтавои қонунҳои Ҷумҳурии Тоҷикистон «Дар бораи масъулият барои таълиму тарбияи кӯдак», «Дар бораи маориф», «Дар бораи тарбияи ватандӯстии шаҳрвандон» ва дигар санадҳои меъёрӣ-ҳуқуқии марбут мавриди тавзеҳ қарор гирифт.
Мақомоти иҷроияи ҳокимияти давлатии ноҳияи Айнӣ таъкид менамояд, ки баргузории чунин чорабиниҳо минбаъд низ идома ёфта, саҳми муҳим дар баланд бардоштани маърифати ҳуқуқӣ ва ватандӯстии ҷавонон хоҳад гузошт.
и ещё 2
Статистика и объявления
Продвигать публикацию
Все реакции:
21
