Дар доираи ҷашни 35-солагии Истиқлоли давлатии Ҷумҳурии Тоҷикистон дар ноҳияи Айнӣ корҳои ободонӣ ва бунёдкорӣ бо шиддат идома доранд. Аз ҷумла, дар даромадгоҳи деҳаи Гузари Боди Ҷамоати деҳоти Рарз бо саҳмгузории фаъолонаи сокинон ва соҳибкорони маҳаллӣ дарвозаи бошукуҳ бунёд гардида, симои деҳа ва ноҳияро боз ҳам зеботар месозад.
Ҳамзамон, дар ноҳияи Айнӣ маъракаи ҷамъоварии ҳосили соли 2025 идома дорад. Деҳқонон бо заҳмати содиқонаи худ ҳосили фаровони картошка ва дигар зироатҳоро ҷамъоварӣ намуда, саҳми арзандаашонро дар таъмини амнияти озуқавории мамлакат мегузоранд. Ҳосили фаровон ва натиҷаҳои назарраси соҳаи кишоварзӣ аз заҳматҳои шабонарӯзии мардуми меҳнатқарини ноҳия шаҳодат медиҳад.
Раиси ноҳияи Айнӣ Равшан Раҳимзода ба сокинони Ҷамоати деҳоти Рарз ва кулли мардуми ноҳия барои саҳмгузории арзандаашон дар корҳои ободонию созандагӣ ва рушди соҳаи кишоварзии ҷумҳурӣ изҳори сипос намуда, таъкид дошт, ки дастовардҳои кишоварзони ноҳия далели возеҳи меҳнати софдилона ва садоқати мардум ба Ватани маҳбуб мебошад.
и ещё 2
Статистика и объявления
Продвигать публикацию
Все реакции:
69
