Дар доираи чорабиниҳои омодагӣ ба таҷлили ҷашни муқаддаси 35-солагии Истиқлоли давлатии Ҷумҳурии Тоҷикистон, Раиси ноҳияи Айнӣ муҳтарам Равшан Раҳимзода бо мақсади шиносоӣ бо рафти корҳои ободонию созандагӣ ва таъмиру таҷдиди иншооти муҳими таълимӣ, иҷтимоӣ ва фарҳангӣ аз як қатор иншооти муҳими деҳаи Дарғи Ҷамоати деҳоти Шамтуч боздид ба амал овард.
Таъмиру таҷдиди Муассисаи таҳсилоти миёнаи умумии №5, деҳаи Дарғ
Нахуст, Раиси ноҳия аз Муассисаи таҳсилоти миёнаи умумии №5-и деҳаи Дарғ боздид кард. Дар доираи тадбирҳои омодагӣ ба соли нави таҳсил ва ҷашни Истиқлол ин муассисаи таълимӣ бо дастгирии Мақомоти иҷроияи ҳокимияти давлатии ноҳия ва саҳмгузории Асотсиатсияи волидайну омӯзгорон аз таъмири куллӣ бароварда шуда, бо муҳити мусоиди таълимӣ омодаи истиқболи хонандагон гардидааст.
Бо ибтикори шахсони саховатпеша дар ҳудуди муассиса ҳавзи обтаъминкунӣ сохта шуда истодааст, ки пас аз ба истифода додан, эҳтиёҷоти омӯзгорону хонандагонро ба оби нӯшокӣ ва истифодаи рӯзмарра таъмин хоҳад кард.
Раиси ноҳия зимни боздид бо кӯдакони навомада — хонандагони синфи якум, суҳбати самимӣ ороста, сатҳи донишу омодагии онҳоро мавриди санҷиш қарор дод. Ӯ аз рӯҳи болида ва омодагии насли наврас изҳори қаноатмандӣ намуда, ба омӯзгорон ва шахсони масъул дастур дод, ки дар фаъолияти худ ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро сармашқи кор қарор дода, дар тарбияи ватандӯстонаи насли наврас саҳми босазо гузоранд.
Сокинони маҳаллӣ дар навбати худ ба Ҳукумати Ҷумҳурии Тоҷикистон ва роҳбарияти ноҳия барои таваҷҷуҳи пайваста ба соҳаи маориф изҳори миннатдорӣ намуда, ҳамзамон пешниҳодҳои худро ҷиҳати рушди бештари инфрасохтори деҳа баён доштанд.
Таъмири Хонаи фарҳанги деҳаи Дарғ
Дар идомаи боздид, Раиси ноҳия аз раванди корҳои таъмиру навсозии Хонаи фарҳанги деҳаи Дарғ дидан намуд. Ин муассисаи муҳими фарҳангӣ бо маблағгузории Мақомоти иҷроияи маҳаллии ҳокимияти давлатӣ таъмиру таҷдид гардида, бо истифода аз лоиҳаҳои муосир ба як маркази муҳими баргузории чорабиниҳои фарҳангӣ ва ҷамъиятӣ табдил хоҳад ёфт.
Айни замон корҳои сохтмонии саҳнаи нав, утоқҳои ёрирасон, толор ва дигар иншооти замберафкан қариб ба анҷом расидаанд. Раиси ноҳия ба масъулон супориши мушаххас дод, ки корҳои сохтмонӣ то санаи 9 сентябри соли равон — ба ифтихори таҷлили ҷашни 35-солагии Истиқлоли давлатии Ҷумҳурии Тоҷикистон пурра ба анҷом расонида шаванд.
Ин тадбирҳои созанда дар деҳаи Дарғ ва дигар мавзеъҳои ноҳияи Айнӣ нишонгари талошҳои пайвастаи роҳбарияти ноҳия ҷиҳати амалӣ намудани сиёсати созанда ва ободгаронаи Пешвои миллат буда, заминаи устувор барои рушди минбаъдаи иҷтимоию фарҳангии маҳал ба ҳисоб мераванд.
Маркази матбуоти МИҲд-и ноҳияи Айнӣ
и ещё 15
Статистика и объявления
Продвигать публикацию
Все реакции:
3
