Бо мақсади фароҳам овардани шароити мусоид барои таълим ва тарбияи насли наврас дар соли таҳсили нав, дар тамоми муассисаҳои таҳсилоти миёнаи умумии ноҳияи Айнӣ корҳои таъмириву омодагӣ ба соли нави хониш фаъолона идома доранд.
Раиси ноҳияи Айнӣ Равшан Раҳимзода имрӯз аз раванди омодагиҳо ба соли нави хониш аз якчанд муассисаҳои таҳсилоти миёнаи умумии ноҳия боздид кард.
Мутасаддиёни соҳаи маориф ба Раиси ноҳия иттилоъ доданд, ки то санаи 29-уми июли соли ҷорӣ, дар беш аз 80% муассисаҳои таълимӣ корҳои таъмири ҷорӣ ба анҷом расонида шудаанд. Аз ҷумла таъмири синфхонаҳо, утоқҳои фаннӣ ва ҳуҷраҳои омӯзгорон, иваз намудани равшанидиҳӣ ва системаи гармидиҳӣ дар як қатор муассисаҳо, рангубори деворҳо ва таъмири ошхонаҳо, тайёр кардани мебели синфхонаҳо ва таҷҳизоти таълимӣ, инчунин, ободонӣ ва тозакунии саҳни мактабҳо бомаром идома доранд.
Бояд қайд кард, ки айни ҳол дар баъзе муассисаҳо, бо дастгирии мақомоти маҳаллӣ ва сарпарастон ва корхонаҳои саноатӣ таъмири капиталӣ низ ба роҳ монда шудааст. Масалан, МТМУ рақами 6-и шаҳраки Сарвода бо дастгирии корхонаҳои саноатии ноҳия куллан таъмир карда шуда, таъмир дар МТМУ-и рақами 9-и деҳаи Такфон бомаром идома дорад.
Равшан Раҳимзода ҳангоми боздид аз муассисаҳои таълимӣ гуфт, ки таъмини муассисаҳо бо лавозимоти хониш, мизу курсиҳои нав ва таҷҳизоти фаннӣ идома дошта, МИҲД-и ноҳияи Айнӣ пайваста раванди омодасозии муассисаҳоро назорат намуда, ҷиҳати сари вақт ба охир расидани корҳо тадбирҳои иловагӣ меандешад. Мақсад аз ин ҳама ташаббусҳо афзуд Раиси ноҳия фароҳам овардани муҳити бехатару замонавӣ барои хонандагон ва омӯзгорон дар соли нави таҳсили 2025–2026 мебошад.
и ещё 2
Статистика и объявления
Продвигать публикацию
Все реакции:
15
