Раиси ноҳияи Айнӣ Равшан Раҳимзода аз рафти корҳои таъмирӣ ва омодагиҳо ба зимистонгузаронӣ дар муассисаҳои таълимии Ҷамоати деҳоти Рарз боздид намуд.
Дар ҷараёни боздид маълум гардид, ки корҳои таъмирӣ дар мактабҳо бо суръати хуб идома дошта, рангубори синфхонаҳо, таҷҳизонидани онҳо бо мизу курсӣ, тахтаҳои чӯбӣ ва электронӣ, инчунин дигар лавозимоти зарурӣ ба таври муттасил таъмин шуда истодааст.
Раиси ноҳия дар мулоқот бо омӯзгорону кормандони муассисаҳои таълимӣ иброз дошт, ки бо ташаббус ва таваҷҷуҳи пайвастаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, соҳаи маориф сол ба сол рушд намуда, муассисаҳои таълимӣ мутобиқ ба талаботи замони муосир навсозӣ ва муҷаҳҳаз мегарданд.
Ӯ таъкид намуд:
«Истиқлоли давлатӣ ва сиёсати хирадмандонаи Пешвои муаззами миллат ба мо имконият дод, ки шароити таълим ва тарбияро дар муассисаҳои таълимӣ куллан беҳтар намоем. Рушди соҳаи маориф омили асосии пешрафти кишвар буда, ояндаи Тоҷикистон аз насли ҷавон ва босавод вобаста аст».
Имрӯз дар ноҳияи Айнӣ сохтмони 4–5 муассисаи таҳсилоти миёнаи умумӣ, як қатор синфхонаҳои иловагӣ ва даҳҳо муассисаҳои таълимии томактабӣ ба роҳ монда шуда, корҳои сохтмонӣ ва таҷҳизонидани онҳо бомаром идома доранд.
Мақомоти иҷроияи ҳокимияти давлатии ноҳияи Айнӣ изҳор менамояд, ки минбаъд низ зери роҳнамоии Президенти Ҷумҳурии Тоҷикистон тамоми талошҳоро баҳри рушди соҳаи маориф равона намуда, шароити таълиму тарбияро боз ҳам беҳтар хоҳад кард.
Маркази матбуоти МИҲД ноҳияи Айнӣ
и ещё 12
Статистика и объявления
Продвигать публикацию
Все реакции:
34
