17 августи соли 2025 дар Ҷумҳурии Тоҷикистон Рӯзи кормандони хадамоти ҳолатҳои фавқулода ва мудофиаи гражданӣ таҷлил карда мешавад. Ба ин муносибат дар маҷлисгоҳи мақомоти иҷроияи ҳокимияти давлатии ноҳияи Айнӣ бо иштироки роҳбарияти ноҳия ва намояндагони сохторҳои қудратӣ чорабинии тантанавӣ баргузор гардид.
Дар ҳамоиш Раиси ноҳияи Айнӣ Равшан Раҳимзода, роҳбарони сохторҳои қудратии ноҳия, намояндагони бахши Раёсати Кумитаи ҳолатҳои фавқулодда ва мудофиаи граждании вилояти Суғд дар ноҳияи Айнӣ, собиқадорон ва кормандони фаъол иштирок доштанд.
Раиси ноҳия зимни суханронии худ тамоми кормандони бахши Кумитаи ҳолатҳои фавқулодда ва мудофиаи граждании ноҳияро ба ифтихори рӯзи касбӣ табрик намуда, саҳми назарраси онҳоро дар пешгирӣ ва бартарафсозии оқибатҳои офатҳо ва ҳолатҳои фавқулодда баланд арзёбӣ кард.
«Дар даврони соҳибистиқлолии кишвар кормандони Кумитаи ҳолатҳои фавқулодда ва мудофиаи гражданӣ бо садоқат ба вазифа ва ҳисси баланди масъулият баҳри ҳифзи ҳаёти шаҳрвандон ва амнияти кишвар талош меварзанд. Кормандони шуҷоъ ҳамеша дар сафи пешини наҷотбахши мардум қарор дошта, бо шиори “Зинда мону наҷот деҳ!” ҷони худро дар хатар мегузоранд», — таъкид намуд Равшан Раҳимзода.
Ӯ афзуд, ки омодагии доимӣ, малака ва маҳорати баланди кормандони ин соҳа имкон медиҳад, ки дар ҳолатҳои ногувор кӯмаки фаврӣ расонида шуда, ҷони одамон ва амволи онҳо ҳифз гардад.
Дар охири чорабинӣ ба як зумра пешқадамон ва собиқадорони соҳа барои хизмати содиқона ба халқу Ватан аз ҷониби Раиси ноҳия Сипосномаҳо ва туҳфаҳои хотиравӣ супорида шуд.
Маркази матбуоти
Раиси ноҳияи Айнӣ
и ещё 14
Статистика и объявления
Продвигать публикацию
Все реакции:
37
