Дар ноҳияи Айнӣ бахшида ба Рӯзи кормандони соҳаи тандурустӣ чорабинии идона баргузор гардид. Дар тантанаи ҷашнӣ Раиси ноҳияи Айнӣ муҳтарам Равшан Раҳимзода, Раиси Кумитаи иҷроияи Ҳизби халқии демократии Тоҷикистон дар ноҳия, роҳбарони мақомоти ҳифзи ҳуқуқ, роҳбарони ташкилоту муассисаҳо, кормандони соҳаи тандурустӣ ва фаъолони ҷомеа иштирок намуданд.
Раиси ноҳия чорабиниро ифтитоҳ намуда, аз таваҷҷуҳи пайвастаи Ҳукумати Ҷумҳурии Тоҷикистон ва Пешвои муаззами миллат муҳтарам Эмомалӣ Раҳмон ба соҳаи тандурустӣ ёдовар шуд. Ӯ зикр кард, ки ҳифзи саломатии аҳолӣ ҳамчун яке аз самтҳои афзалиятнок дар сиёсати давлатӣ ҷойгоҳи муҳим дошта, дар солҳои соҳибистиқлолӣ инфрасохтори тиббӣ дар кишвар, аз ҷумла ноҳияи Айнӣ, ба таври назаррас рушд ёфтааст.
Тибқи иттилои раиси ноҳия, дар давраи истиқлол дар қаламрави ноҳия зиёда аз 34 муассисаи нави тандурустӣ сохта ва ба истифода дода шудааст. Айни замон дар ҳудуди ноҳия 71 муассисаи тиббӣ фаъолият менамояд. Танҳо дар давраи омодагӣ ба ҷашни 35-солагии Истиқлоли давлатӣ зиёда аз 30 иншооти соҳаи тандурустӣ бунёд ё азнавсозӣ гардидааст. Дар ҳашт моҳи соли 2025 низ 1 муассисаи тиббӣ сохта ба истифода супорида шудааст. Ба нақша гирифта шудааст, ки то ҷашн даҳҳо иншооти нави тиббӣ ба истифода дода шавад.
Ҳоло дар ноҳияи Айнӣ 88 нафар табибони дорои маълумоти олӣ ва беш аз 451 нафар кормандони миёнаи тиббӣ фаъолият доранд, ки бо таҷриба ва масъулияти баланд ба мардум хизмат мерасонанд.
Дар идомаи чорабинӣ ба як гурӯҳ кормандони соҳаи тандурустӣ Сипоснома ва Ифтихорномаи мақомоти иҷроияи ҳокимияти давлатии ноҳияи Айнӣ, инчунин Сипосномаи Кумитаи иҷроияи ҲХДТ дар ноҳия супорида шуд.
Чорабинӣ бо барномаи консертии идона, ки аз ҷониби ҳунармандони бахши фарҳанги ноҳия пешниҳод гардид, хотима ёфт.
Маркази матбуоти
Раиси ноҳияи Айнӣ
и ещё 19
Статистика и объявления
Продвигать публикацию
Все реакции:
103
