14 августи соли 2025 бо ташаббуси Вазорати адлияи Ҷумҳурии Тоҷикистон дар Қасри фарҳанги ба номи Нақибхон Туғрали ноҳияи Айнӣ мулоқоти гурӯҳи корӣ таҳти роҳбарии Вазири адлияи Ҷумҳурии Тоҷикистон муҳтарам Музаффар Ашуриён бо сокинон ва намояндагони сохторҳои дахлдори ноҳия баргузор гардид. Ҳадафи вохӯрӣ пешбурди корҳои доимӣ дар самти баланд бардоштани маърифати ҳуқуқии аҳолӣ, пешгирии истифодаи ғайриқонунии неруи барқ ва шарҳу тавзеҳи тағйиру иловаҳои воридгардида ба Кодекси ҷиноятӣ ва Кодекси ҳуқуқвайронкунии маъмурии Ҷумҳурии Тоҷикистон буд.
Дар ҳамоиш ёрдамчии Президенти Ҷумҳурии Тоҷикистон оид ба масъалаҳои ҳуқуқӣ муҳтарам Зариф Ализода, профессори кафедраи ҳуқуқи ҷиноятӣ ва муқовимат ба коррупсияи факултети ҳуқуқшиносии Донишгоҳи миллии Тоҷикистон Тақдиршо Шарипов ва Раиси Комиссия оид ба назорати дастур ва ташкили кори Маҷлиси намояндагони Маҷлиси Олии Ҷумҳурии Тоҷикистон Шуҳрат Ғанизода ширкат ва суханронӣ намуданд.
Чорабинӣ бо сухани ифтитоҳии Раиси ноҳияи Айнӣ муҳтарам Равшан Раҳимзода оғоз ёфт. Ӯ меҳмононро хайрамақдам гуфта, аз дастгирии пайвастаи Ҳукумати Ҷумҳурии Тоҷикистон дар самти таъмини истифодаи оқилонаи неруи барқ, пешгирии қонуншиканиҳо ва таҳкими низоми ҳисоббаробаркунӣ ёдовар шуд.
Вазири адлия муҳтарам Музаффар Ашуриён зимни суханронӣ оид ба татбиқи самараноки сиёсати энергетикии кишвар, истифодаи мақсадноки имконоти мавҷуда, кам кардани талафоти неруи барқ, баланд бардоштани сатҳи маърифати ҳуқуқии аҳолӣ ва мазмуни тағйиру иловаҳои воридгардида ба қонунгузории ҷиноятӣ ва маъмурӣ маълумоти муфассал пешниҳод намуд. Ӯ таъкид кард, ки пешгирии истифодаи ғайриқонунии неруи барқ танҳо бо ҳамкории зичи мақомот ва шаҳрвандон, баланд бардоштани ҳисси масъулият ва ватандӯстӣ, инчунин истифодаи таҷҳизоти муосир ва тарғиби сарфакорона истифодабарии қувваи барқ имконпазир аст.
Дар рафти мулоқот аз ҷониби баромадкунандагон ҳамчунин масъалаҳои марбут ба пешгирии шомилшавии ҷавонон ба гурӯҳҳои ифротӣ, таъмини амният, мубориза бо терроризм ва экстремизм, зарурати рушди иқтисоди рақамӣ, саводи иттилоотӣ ва шаффофияти низомҳои ҳисоббаробаркунӣ мавриди баррасӣ қарор гирифтанд. Зикр гардид, ки рақамикунонии иқтисодиёт ва васеъ намудани истифодаи ҳуҷҷатҳои электронӣ на танҳо самаранокии идоракуниро боло мебарад, балки метавонад ба коҳиш додани фасод мусоидат кунад.
Дар анҷом иштирокчиён изҳори умедворӣ намуданд, ки бо татбиқи барномаҳои давлатӣ ва саҳми фаъолонаи ҳар як шаҳрванди мамлакат, мо 35-солагии Истиқлоли давлатии Ҷумҳурии Тоҷикистонро бо дастовардҳои назаррас истиқбол хоҳем гирифт.
Раиси ноҳияи Айнӣ Равшан Раҳимзода дар охир бори дигар меҳмононро хуш омадед гуфта, онҳоро бовар кунонид, ки дар ин самт корҳои фаҳмондадиҳӣ боз ҳам ҷонноктар карда мешаванд.
Маркази матбуоти
Раиси ноҳияи Айнӣ
и ещё 10
Статистика и объявления
Продвигать публикацию
Все реакции:
39
