Раиси ноҳияи Айнӣ Равшан Раҳимзода аз рафти корҳои таъмиру азнавсозӣ дар Муассисаи таҳсилоти миёнаи умумии №9-и деҳаи Такфони Ҷамоати деҳоти Анзоб боздид ба амал овард.
Ёдовар мешавем, ки таъмиру тармими муассисаи мазкур аз ҷониби ҶДММ “Ширкати металлургии Анзоб” ба роҳ монда шуда, то имрӯз зиёда аз 90 фоизи корҳо анҷом ёфтааст. Баъди ба итмом расидани сохтмон то оғози соли нави таҳсил муассиса ба истифода дода мешавад.
Дар асоси супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба таъсиси муассисаҳои томактабӣ дар қаламрави ҷумҳурӣ ва фарогирии кӯдакон аз синни хурдсол ба таълим, бо ибтикори Мақомоти иҷроияи ҳокимияти давлатии ноҳияи Айнӣ дар назди муассисаи мазкур боғчаи томактабӣ низ таъсис дода мешавад. Ин муассисаи нав, ки дар он 120 кӯдак ба таълим фаро гирифта мешаванд, дар бинои дуошёнаи синфхонаҳои собиқи иловагии МТМУ №9 ҷойгир шуда, мутобиқ ба талаботи муассисаи томактабӣ азнавсозӣ хоҳад шуд. Корҳои сохтмонӣ ва мутобиқсозиро низ ҶДММ “Ширкати металлургии Анзоб” ба зимма гирифтааст.
Бо мақсади сазовор истиқбол гирифтани 35-солагии Истиқлоли давлатии Ҷумҳурии Тоҷикистон дар ноҳияи Айнӣ як қатор корҳои бунёдкориву ободонӣ ба нақша гирифта шудаанд. Тибқи нақша, аз ҷониби мақомоти иҷроияи ҳокимияти давлатии ноҳия 595 иншооти гуногун сохта мешавад, ки то имрӯз 525 адад он мавриди истифода қарор гирифта, дар ин замина 652 ҷойи нави корӣ таъсис ёфтааст. Ин нишондиҳанда 88,2 фоизи нақшаи умумиро дар бар мегирад.
Ҳамзамон бо дастгирии роҳбарияти ноҳия ва ширкати мазкур дар деҳаи Такфон бунгоҳи саломатии нав сохта хоҳад шуд, ки ҷавобгӯ ба талаботи замони муосир буда, барои баланд бардоштани сатҳу сифати хизматрасонии тиббӣ ба аҳолӣ равона мешавад.
Раиси ноҳия ҳангоми боздид аз ҷараёни корҳои омодагӣ ба сохтмони бунгоҳ ба масъулин супориш дод, ки иншооти мазкур бо сифати баланд ва мутобиқ ба талаботи замони имрӯза бунёд гардад.
и ещё 15
Статистика и объявления
Продвигать публикацию
Все реакции:
63
