14-уми июли соли 2025 дар толори калони маҷлисгоҳи мақомоти иҷроияи ҳокимияти давлатии ноҳияи Айнӣ маҷлиси ҷамъбасти фаъолияти соҳаҳои иҷтимоию иқтисодии ноҳия дар шаш моҳи соли 2025 баргузор гардид.
Дар кори маҷлис раиси ноҳияи Айнӣ Равшан Раҳимзода, намояндаи Ҳукумати Ҷумҳурии Тоҷикистон, муовини сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон -Ардашер Мирзозода, намояндаи мақомоти иҷроияи ҳокимияти давлатии вилояти Суғд – сардори Раёсати тандурустии вилояти Суғд Ҳабибулло Хайруллозода, роҳбарони ташкилоту муассисаҳо, намояндагони мақомоти ҳифзи ҳуқуқ, мудирони шуъбаву бахшҳои мақомоти иҷроияи ҳокимияти давлатии ноҳия ва воҳидҳои сохтории он, раисони ҷамоатҳои шаҳраку деҳот, роҳбарони корхонаҳои саноатии дар ҳудуди ноҳия фаъолияткунанда, сардухтурони беморхонаҳои ноҳиявӣ ва беморхонаҳои минтақавӣ, директорони муассисаҳои таълимӣ, раисони хоҷагиҳои деҳқонӣ, сархатиби ноҳия, намояндагони воситаҳои ахбори омма ва дигар фаъолон ширкат варзиданд.
Аз рӯи масъалаи рӯзнома “Ҷамъбасти натиҷаҳои рушди соҳаҳои иқтисодию иҷтимоии ноҳия дар шаш моҳи соли 2025” муовини раиси ноҳияи Айнӣ Фарҳод Мукаррамзода маълумот дод.
Сипас, Раиси ноҳия Равшан Раҳимзода фаъолияти ҳама соҳаҳоро мавриди таҳлилу баррасӣ қарор дода, аз роҳбарони ташкилоту муассисаҳо ва дигар шахсони масъул оид ба бурду бохти соҳаҳояшон ва натиҷаҳо дар шаш моҳи соли 2025 пурсиш ба амал овард.
Пас аз таҳлилу баррасии масъала намояндаи Ҳукумати Ҷумҳурии Тоҷикистон, муовини сардори Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон, Ардашер Мирзозода ва намояндаи мақомоти иҷроияи ҳокимияти давлатии вилояти Суғд – сардори Раёсати тандурустии вилояти Суғд Ҳабибулло Хайруллозода оид ба ҷамъбасти фаъолияти соҳаҳои иҷтимоию иқтисодии ноҳия дар шаш моҳи соли 2025 изҳори андеша намуда, дастуру супоришҳои Ҳукумати Ҷумҳурии Тоҷикистонро ба ҳозирин расониданд.
Дар зимн, Раиси ноҳияи Айнӣ Равшан Раҳимзода оид ба ҷамъбасти фаъолияти соҳаҳои иҷтимоию иқтисодии ноҳия дар шашмоҳаи аввали соли 2025 андешаронӣ намуда, вобаста ба камбудиҳои ҷойдошта изҳори нигаронӣ кард ва ба шахсони масъул дастур дод, ки дар кӯтоҳтарин муддат роҳи ҳалли ислоҳи онро ёбанд.
Равшан Раҳимзода дар охир гуфт, ки мо таҳти ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон амал намуда, дар рушди соҳаҳои мухталифи ҷомеа дар якҷоягӣ саҳми муносиб мегузорем.
Дафтари матбуоти Раиси ноҳияи Айнӣ
и ещё 15
Статистика и объявления
Продвигать публикацию
Все реакции:
84
