Таъмиру таҷдиди пойгоҳҳои обкашии Қарғтӯда: Қадами устувор дар рушди кишоварзии маҳаллӣ

Ин пойгоҳҳои обкашӣ, ки аз муҳимтарин иншооти инфрасохтории соҳаи кишоварзӣ дар минтақа ба ҳисоб мераванд, бо дастгирии Мақомоти иҷроияи маҳаллии ҳокимияти давлатии ноҳия аз таъмири куллӣ бароварда шуда, бо таҷҳизоти муосиру хушсифати обкашӣ муҷаҳҳаз гардонида шудаанд.

Раиси ноҳия зимни боздид аз пойгоҳҳо зикр кард, ки таҷдиду навсозии иншооти зикршуда дорои аҳамияти стратегӣ барои рушди устувори соҳаи кишоварзии деҳаи Шамтуч мебошад. Бо истифодаи самараноки ин пойгоҳҳо, заминҳои обёришавандаи мавзеъ бо оби кофии полезӣ таъмин гардида, имконият фароҳам меояд, ки ҳосилнокии зироатҳо ва самаранокии истифодаи замин ба таври назаррас беҳтар гардад.

Ҳангоми шиносоӣ бо ҷараёни корҳо, Равшан Раҳимзода аз сатҳи иҷро ва сифати корҳои анҷомшуда изҳори қаноатмандӣ намуда, ба мутахассисону кормандоне, ки дар таъмиру таҷдиди ин пойгоҳҳо саҳм гузоштаанд, изҳори сипос баён намуд. Таъкид гардид, ки нигаҳдорӣ ва истифодаи самараноки таҷҳизоти нав бояд зери назорати доимии мутахассисон қарор дошта, бо риояи меъёрҳои фаннӣ ва истифодаи оқилонаи об иҷро карда шавад.

Ҳадафи асосӣ — беҳбуди зиндагии мардум ва рушди деҳот

Сафари кории Раиси ноҳияи Айнӣ ба Ҷамоати деҳоти Шамтуч нишон дод, ки дар тамоми самтҳои хоҷагидорӣ — аз маорифу фарҳанг то инфрасохтор ва кишоварзӣ — корҳои назарраси созандагӣ ва ободонӣ ба хотири истиқболи сазовори ҷашни 35-солагии Истиқлоли давлатии Ҷумҳурии Тоҷикистон бо маром идома доранд.

Мақсад аз амалисозии чунин иқдомҳои бунёдкорона — **баланд бардоштани сатҳи зиндагии мардум, рушди устувори деҳот, таҳкими соҳаҳои маорифу фарҳанг ва беҳтар намудани шароити иҷтимоии аҳолӣ** мебошад.

Мақомоти иҷроияи ҳокимияти давлатии ноҳияи Айнӣ минбаъд низ дар асоси сиёсати хирадмандонаи Пешвои миллат муҳтарам Эмомалӣ Раҳмон, дар ҳамбастагӣ бо сокинони заҳматқарин, татбиқи лоиҳаҳои ободониро идома дода, барои боз ҳам шукуфон гардидани минтақаҳои дурдасту кӯҳистон тадбирҳои судманд меандешад.

Маркази матбуоти МИҲд-и ноҳияи Айнӣ