Яке аз шуғлҳои асосии мардуми ноҳияи Айнӣ кишоварзӣ маҳсуб ёфта, мавҷудияти заминҳои ҳосилхез барои истеҳсоли маҳсулоти гуногуни кишоварзӣ заминаҳои мусоид фароҳам овардааст. Боду ҳавои ноҳия барои парвариши маҳсулоти кишоварзӣ, махсусан картошка хеле мувофиқ мебошад ва тибқи нақша соли равон дар ноҳияи Айнӣ дар майдони 1090 гектар картошка парвариш карда мешавад.
Раиси ноҳия Рӯзибой Раҳимзода ба Раёсати кишоварзии ноҳия дастур дод, ки кишти картошка бояд тибқи нақша ва бо истифода аз тухмиҳои серҳосил ба роҳ монда шавад. Роҳбарияти Раёсати кишоварзӣ вазифадор карда шуд, ки ҷиҳати ба кишоварзон дастрас намудани тухмиҳои наву серҳосил тадбирҳои заруриро амалӣ намояд.
Айни ҳол, бо супориши Раиси ноҳия ҳамаи заминҳои барои кишт кардан мувофиқ шудгор шуда истодааст ва бо фаро расидани мавсим дар онҳо маҳсулоти полезӣ кишт карда мешавад.
Иттилоъ дода шуд, ки саҳмдорон дар заминҳои хоҷагӣ ғалладона, аз ҷумла гандум, ҷав, ҷуворимакка барои дон, наску нахӯд, мошу лубиё ва сабзавоти полезӣ, аз қабили картошка, пиёз, сабзӣ, сирпиёз, лаблабу, каду ва турбу шалғам, кишт менамоянд.
Раиси ноҳия ба масъулон дастур дод, ки ҳар як ваҷаби заминро самаранок истифода намуда, бо истифода аз имконият дар боғҳои нав низ кишти маҳсулоти полезӣ ва донагиро васеъ ба роҳ монанд.
и ещё 6
