Субҳи имрӯз, 30-юми марти соли 2025 Раиси ноҳияи Айнӣ Рӯзибой Раҳимзода ба қисми ҳарбии 0203-и дидбонгоҳи сарҳадии Исрофилобод ташриф оварда, афсарону сарбозонро ба муносибати Иди саиди Фитр табрик намуд. Рӯзибой Раҳимзодаро намояндаи мақомоти иҷроияи ҳокимияти давлатии вилояти Суғд, сардори нозироти комплексии назорати бехатарии саноат дар вилояти Суғд, Сафарзода Умедҷон ҳамроҳӣ намуд.
Зимни суханронӣ дар назди сарҳадбонон Рӯзибой Раҳимзода, иброз намуд, ки имрӯз зери шуҷоату мардонагиҳои Шумо афсарону сарбозон -Тоҷикистони азизи мо обод асту халқамон осоишта зиндагӣ карда истодаанд. Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид менамоянд, ки воқеоту таҳаввулоти ҷомеаи ҷаҳонӣ ҳар яки моро ҳушдор месозад зиракии сиёсӣ, омодагии доимӣ, эҳсоси баланди ватандӯстӣ, худогоҳӣ ва муқаддас доштану ҳифз намудани ҳама арзишҳои Истиқлолияти давлати куҳанбунёдамонро аз даст надиҳем. Чунки вазъи зудтағйирёбандаи ҷаҳони муосир, зиёд гардидани равияву ташкилотҳои тундрави террористиву экстремистӣ ва дигар зуҳуроти таҳдидовари хатарнок метавонад сулҳу субот ва ҳаёти орому осудаи мардумони кишвари моро халалдор намояд. Албатта, ин таъкиди Сарвари давлат имрӯз аз ҳарвақта бештар аз ҳар як нафар шаҳрванди ҷумҳурӣ масъулияти баландро талаб менамояд. Сарбозони муҳтарам, воқеан ҳам саҳми Шумо дар таъмини амнияти миллӣ хеле бориз аст ва Ҳукумати Ҷумҳурии Тоҷикистон албатта хизматҳои Шуморо ҳамеша қадр хоҳад кард. Умед дорам минбаъд низ барои таъмини амнияти миллӣ саҳми арзандаи хешро хоҳед гузошт.
Намояндаи мақомоти иҷроияи ҳокимияти давлатии вилояти Суғд, сардори нозироти комплексии назорати бехатарии саноат дар вилояти Суғд, Сафарзода Умедҷон табрикоти Раиси вилояти Суғд муҳтарам Раҷаббой Аҳмадзодаро ба афсарону сарбозон расонид.
Аз ҷониби мақомоти иҷроияи ҳокимияти давлатии ноҳия ба афсарону сарбозон дар қисми низомӣ бахшида ба Иди саиди Фитр дастархони идона густурда шуд.
и ещё 4
Статистика и объявления
Продвигать публикацию
Все реакции:
2
